Qidalanma üzrə mütəxəssis Olqa Çirkova bildirib ki, payız-qış aylarında orqanizmin müdafiə sistemi zəifləyir və düzgün menyu bu dövrdə sağlam qalmaq üçün həlledici rol oynayır. Foodinfo.az NEWS.ru-ya istinadla xəbər verir ki, soyuq havalarda xüsusilə yağlı balıq növləri, təbii zülək mənbələri və vitaminlə zəngin tərəvəzlər qidalanmada mühüm yer tutmalıdır.

Mütəxəssisin sözlərinə görə, insan orqanizmi bu fəsildə günəş işığının çatışmazlığını və temperatur fərqlərini kəskin hiss edir. “İmmuniteti qorumaq üçün menyunu ağıllı şəkildə tərtib etmək vacibdir. Yağlı balıqlar — xüsusən siyənək, skumbriya və qızılbalıq — bədənə D vitamini və omqa-3 yağ turşuları qazandırır,” – deyə Çirkova vurğulayıb.

O qeyd edib ki, balıqla yanaşı, toyuq, yumurta və kəsmik kimi keyfiyyətli zülək mənbələri də bədənin enerji balansını və toxluq hissini qorumağa kömək edir. Bu məhsullar həm də xəstəlikdən sonra bərpanı sürətləndirir.

Çirkova əlavə edib ki, qışda rasionda mütləq təzə və ya dondurulmuş mövsümi tərəvəzlərə yer verilməlidir, çünki onlar uzunmüddətli saxlanma zamanı da vitaminlərini itirmir.

Mütəxəssis həmçinin C vitamini ilə zəngin meyvələrin — sitrus, alma, kivi, xurma və narın — gündəlik qidalanmada vacibliyini xatırladıb. Bu meyvələr orqanizmi antioksidantlarla təmin edir və virus infeksiyalarına qarşı müqaviməti artırır.

“Rasiondan karbohidratları tamamilə çıxarmaq düzgün deyil. Tam taxıllı yarmalar, dənli bitkilər və qara undan hazırlanmış çörək əhval dəyişikliklərini və yorğunluğu azaldır,” – deyə mütəxəssis bildirib.

Çirkova son olaraq kələmin turşusu və digər fermentləşdirilmiş süd məhsullarının bağırsaq mikroflorasını gücləndirdiyini və həzm sisteminin sağlamlığını dəstəklədiyini əlavə edib.