Ağ rafinə olunmuş şəkərdən fərqli olaraq, qida əlavələri olan dadlandırıcılar kariyes riskini azaldır, qidaların və yeməklərin kalorisini azaldır, qanda qlükoza səviyyəsini artırmır və karbohidrat mübadiləsini normallaşdırmağa kömək edir. 

Foodinfo.az xəbər verir ki, bu barədə sağlam qidalanma üzrə ekspert Aleksandra Qudimova bildirib.

Onun sözlərinə görə, şəkərəvəzləyici və ya dadlandırıcı seçiminə fərdi yanaşmaq lazımdır. İlk növbədə, ağ şəkərdən imtina etməyin əsl səbəblərini özünüz üçün müəyyən etməlisiniz.

Əgər imtina şəkərli diabet kimi tibbi göstəricilərlə bağlıdırsa, sıfır glisemik indeksi olan, kalorisiz dadlandırıcıları (məsələn, stevia, sukraloza, eritrit, saxarin və siklamatları) seçməlisiniz. Stevia və eritrit təbii dadlandırıcılardır, sukraloza və siklomatlar süni yolla əldə olunur.

Dadlandırıcılar müxtəlif dərəcədə şirinlik və dada malikdirlər. Belə ki, stevia şəkərdən yüzlərlə dəfə şirindir, eritritin şirinliyi isə ona nisbətdə daha azdır. Mağazalarda onları həm ayrı-ayrılıqda - təmiz halda, həm də qarışıq formada tapmaq olar: istehsalçılar "daha təmiz" şirin dad əldə etmək üçün, həm də dozanı daha rahat bilmək üçün dadlandırıcıları qarışdırırlar.

Əgər sağlam qidalanma xatirinə ağ şəkər istehlakınızı azaltmaq istəyirsinizsə və faydasız qidaları rasionunuzdan çıxarmaq istəyirsinizsə, o zaman rafinə olunmamış analoqları və ya təbii şərbətləri seçin. Məsələn, kokos şəkərinin kalori miqdarı ağ şəkərlə eynidir, lakin onun glisemik indeksi demək olar ki, iki dəfə aşağıdır və ən əsası, o, güclü qeyri-orqanik turşularla "ağardılmır", yəni rafinə olunmur.

Natəvan