Qırmızı qarağat həm dadı, həm də yüksək qida dəyəri ilə ən çox seçilən meyvələrindən biri olaraq diqqət çəkir. 

Foodinfo.az xəbər verir ki, bu meyvə tərkibindəki güclü antioksidantlar, C vitamini və lif sayəsində immuniteti gücləndirir, orqanizmi xəstəliklərdən qoruyur.

Meyvənin tərkibində bol miqdarda olan C vitamini soyuqdəymə və virus infeksiyalarına qarşı müqaviməti artırır. 

Eyni zamanda kalium və antioksidantlar ürək-damar sisteminin normal fəaliyyətini dəstəkləyərək qan dövranını yaxşılaşdırır.

Qida mütəxəssislərinin sözlərinə görə, qırmızı qarağatın yüksək lif tərkibi həzmi sürətləndirir, qəbizliyin qarşısını alır və bağırsaq fəaliyyətini tənzimləyir. Aşağı kalorili olması isə onu pəhriz saxlayanlar üçün ideal məhsula çevirir.

Bununla yanaşı, meyvənin tərkibindəki antioksidant maddələr dəridə qocalma proseslərini ləngidərək daha sağlam və parlaq görünüş yaradır.

Mədə turşuluğu yüksək olan şəxslər qırmızı qarağatı ehtiyatla istehlak etməlidir. Böyrək xəstəliyi olanlara isə həkimlə məsləhətləşmək tövsiyə olunur.

Qırmızı qarağat təzə, kompot, smuzi və şirniyyatlarda rahatlıqla istifadə oluna bilən, həm ləzzətli, həm də bir çox faydaları ilə seçilən təbii məhsuldur.