Gündəlik həyatda tez-tez istifadə etdiyimiz qidaların faydaları həmişə maraq mövzusu olub. Xüsusilə sağlam qidalanmaq istəyənlərin ən çox üstünlük verdiyi göyərtilərdən biri olan su tərəsinin faydaları olduqca çoxdur.
Foodinfo.az bu yazıda su tərəsinin faydalarını təqdim edir:
AĞCİYƏRLƏRİ TƏMİZLƏYİR
Su tərəsi, xüsusilə siqaret çəkən insanlar üçün daha çox tövsiyə olunur. Tənəffüs yollarına müsbət təsir edən bu bitki ağciyərlərin təmizlənməsinə kömək edir. Eyni zamanda onun istehlakı şiddətli öskürəyin qarşısını alır və həm də yaxşı bəlğəmgətiricidir.
İMMUNİTET SİSTEMİNİ GÜCLƏNDİRİR
Bol C vitamini ehtiva edən bu bitki immunitet sistemini gücləndirir. Bədənin ehtiyac duyduğu C vitamini miqdarını qarşılayaraq antioksidant kimi fəaliyyət göstərməyə başlayır. Orqanizmdəki iltihabı azaldır və mikroblardan təmizləyir. Onu müntəzəm olaraq istehlak etsəniz, mümkün infeksiya risklərini də minimuma endirə bilərsiniz.
ARIQLAMA PROSESİNİ SÜRƏTLƏNDİRİR
Qəbizlik problemindən əziyyət çəkən insanlar üçün işlətmə vasitəsi sayılan su tərəsi bağırsaq sağlamlığında təsirli rol oynayır. Bu təbii vasitə tənbəl bağırsaqları aktivləşdirərək çox daha sürətli arıqlamağınıza kömək edir.
Bağırsaqların təmizlənməsini təmin edən bu bitkidən çox istifadə etdiyiniz zaman iştahı artıran xüsusiyyətləri də təmin edir. Ancaq bağırsaq hərəkətliliyi sayəsində çəki itirmək çox daha mümkün və daha sürətli olur. Bu bitkinin toxumu və bal qarışığı dizenteriyanın müalicəsində bir nömrəlidir.
BAŞ AĞRISINI KƏSİR
Çeynəyərək də istehlak edə biləcəyiniz su tərəsi toxumu baş ağrısı, öskürək, bronxit, astma kimi gündəlik həyatı böyük təsir edən xəstəliklərin müalicəsində istifadə edilir. Nəfəs darlığına da yaxşı təsir etdiyi məlumdur.
QANDA DƏMƏRİN MİQDARINI ARTIRIR
Su tərəsi toxumları hemoglobinin miqdarını artıraraq dəmir mineralı istehsal edir. Dəmir çatışmazlığından əziyyət çəkənlərə bu bitkidən istehlak etmək tövsiyə olunur. Bu, saç tökülməsi, dırnaqların qırılması, sümük xəstəlikləri kimi problemləri həll edə bilir. Mütəxəssislərin fikrincə, su tərəsinin tərkibində ispanaqdan daha çox dəmir var.
Əgər anemiya probleminiz varsa, bu bitki köməyinizə gələcəkdir. Müntəzəm olaraq istehlak edildikdə qan azlığının orqanizmə təsirini azaldır.
Tərkibindəki balanslaşdırıcı komponentlərlə qan şəkərini aşağı saldığı üçün bu bitkinin toxumu şəkər xəstəliyinin müalicəsində istifadə edilir. Tədqiqatlarda onun xolesterolu, trigliseridləri və pis xolesterolu saldığı da bildirilir.
ANA SÜDÜNÜ ARTIRIR
Xüsusilə uşaq əmizdirən analar mütəmadi olaraq bundan istehlak etdikdə prolaktini aktivləşir. Ana südündə lazımlı mineral və vitaminləri təmin edir.
DƏRİYƏ FAYDALIDIR
Su tərəsi günəş yanığı və qıcıqlanmış dəri strukturlarına müalicəvi təsir göstərir.
Saçın sağlamlığı üçün də bu bitkidən istifadə edə bilərsiniz.
