Günəş işığının təsiri ilə dəridə sintez edilən bu vitamin sümük sağlamlığından immunitet sisteminə qədər bir çox mühüm funksiyada rol oynayır. Ancaq xüsusilə qış aylarında günəş işığının azalması və insanların qapalı məkanlarda daha çox vaxt keçirməsi ilə bağlı olaraq D vitamini çatışmazlığı müşahidə oluna bilər. 

Foodinfo.az xəbər verir ki, D vitamini çatışmazlığı bədəndə bir çox mənfi əlamətlərə səbəb olur. Bunun simptomları zəiflik, yorğunluq, sümük ağrısı, əzələ zəifliyi, osteoporoz riskinin artması və zəifləmiş immunitet sistemidir. Bundan əlavə, depressiya və əhval dəyişikliyi, saç tökülməsi, dəri problemləri və baş ağrıları kimi simptomlar da D vitamini çatışmazlığının göstəriciləri ola bilər.

Gündəlik D vitamini ehtiyacı insanın yaşına, çəkisinə, günəş vannası qəbul etmə vərdişlərinə və genetik xüsusiyyətlərinə görə dəyişə bilər. Ancaq ümumiyyətlə, kifayət qədər günəş işığından faydalana bilməyən insanların pəhrizlərinə D vitamini mənbəyi olan qidaları əlavə etmələri vacibdir. Balıq yağı, süd, qatıq və yumurta kimi qidalar D vitamininin zəngin qaynaqlarıdır.

D vitamini çatışmazlığından şübhələnirsinizsə, bir tibb işçisi ilə məsləhətləşmək və lazım olduqda qan testlərindən keçmək vacibdir. Həkimin tövsiyəsi ilə D vitamini əlavələrinin qəbulu çatışmazlığı aradan qaldırmaq üçün təsirli bir yol ola bilər. Bundan əlavə, nizamlı və balanslı qidalanma, kifayət qədər günəş işığı almaq və idman etmək kimi vərdişlər D vitamini çatışmazlığının qarşısını almaq üçün vacib addımlardandır. 

D vitamini çatışmazlığına laqeyd yanaşmamalı və bədənə mənfi təsirlərin qarşısını almaq üçün lazımi tədbirlər görülməlidir.