Monreal Universitetinin tədqiqatçıları son araşdırmalarında K vitamininin diabetə qarşı qoruyucu rolunu müəyyən ediblər. Şəkərli diabet xroniki xəstəlikdir və orqanizm qlükozanı istifadə edə və ya saxlaya bilmədikdə baş verir. Xəstəlik dünyada hər 11 nəfərdən birində rast gəlinir və müalicəsi yoxdur.

Foodinfo.az xəbər verir ki, K vitamini qanın laxtalanma prosesində, xüsusilə də qamma-karboksilləşmə prosesində əsas rolu ilə tanınan bir mikronutrientdir. Uzun illərdir ki, bu vitaminin diabet riskini azaltmaqda rol oynaya biləcəyi düşünülür.

Bir neçə tədqiqatın nəticələri göstərdi ki, K vitamini qəbulunun azalması diabet riskinin artması ilə nəticələnir. Bununla belə, K vitamininin diabetə qarşı qoruyucu rolunun altında yatan bioloji mexanizmlər naməlum olaraq qalır.

Tədqiqat qrupu qamma karboksilləşməsində iştirak edən və K vitamini tərəfindən istifadə edilən fermentlərin pankreasın beta hüceyrələrində bol olduğunu göstərdi. 

Alimlər bildiriblər ki, biz beta hüceyrələrində kalsiumun fizioloji səviyyələrinin saxlanmasında mühüm rol oynayan və bununla da insulin ifrazının pozulmasının qarşısını alan ERGP adlı yeni bir protein təyin etdik.

Bu araşdırmanın nəticələri göstərdi ki, K vitamini diabetin qarşısını almaq üçün yeni yollar aça bilər və tip 2 diabet üçün yeni terapevtik tətbiqlərə səbəb ola bilər.