Fransada koronavirusa ilk yoluxan şəxs hələ dekabrın 27-də xəstəxanaya müraciət edib. Foodinfo.az “Report”a istinadən xəbər verir ki, bunu BFM TV-yə Bobinya şəhər xəstəxanasının baş reanimatoloqu İv Koen açıqlayıb.
Onun sözlərinə görə, həkimlər xəstəxanaya hələ dekabr və yanvar ayında müraciət edən pnevmoniya xəstələrinin analizlərini yenidən yoxlayıb. Nəticədə, Fransada koronavirusa ilk yolxuma faktının yanvarın sonu qeydə alınmasına baxmayaraq, 24 pasiyentdən 1-də - 43 yaşlı Amiruş Ammar adlı kişidə koronavirus testi pozitiv çıxıb. Bildirilir ki, xəstəxanaya dekabrın 27-də müraciət edən kişi epidemioloji baxımından arzuolunmaz heç bir ölkəyə səfər etməyib. Bununla birlikdə, həkim pasiyentlərin xəstəxanaya yerləşdirilməsi zamanı yalnızca qrip və koronavirusun başqa növlərinin testlərinin keçirildiyini bildirib:
“Ancaq o vaxt COVID-19-un testi hələ keçirilmirdi”.
Həkim A.Ammarın 15 gün xəstə qaldığını və uşaqlarını da yoluxdurduğunu vurğulayıb: “Xəstəliyin mənbəyini araşdırarkən onun həyat yoldaşının Çin qaynaqlı suşi satanlarla yanaşı işlədiyini aşkarladıq. Ola bilsin o, xəstəliyi simptomsuz keçirib. Bunun təfərrüatını digər qurumlar incələməlidir”.
Həkimin sözlərinə görə, əsas məsələ xəstəxanaya müraciət etmiş 43 yaşlı Bobinya sakininin ölkədə ilk koronavirus xəstəsi olub-olmamasıdır: “Bunu öyrənmək üçün bütün ölkə üzrə pasiyentlərin pnevmoniya analizlərini yenidən incələmək lazımdır”.
Qeyd edək ki, ilk yoluxma halları barədə məlumat epidemiyanın gedişatını anlamaq üçün vacibdir.
Bu xəbərdən sonra Ümumdünya Səhiyyə Təşkilatının (ÜST) rəsmisi Kristian Lindmayer ölkələrin səhiyyə qurumlarını xəstəxanaların kartotekalarını yenidən gözdən keçirməyə səsləyib. O, xüsusilə dekabr və noyabr aylarındakı pasiyentlərin analizlərini araşdırmağa çağırıb. K.Lindmayerin sözlərinə görə, qəbul edilmiş beynəlxalq praktikaya əsasən, həkimlər atipik və ya qeyri-müəyyən pnevmoniyaların nümunələrini saxlayırlar.
BBC-nin məlumatın görə, Fransadakı hadisə ilə bağlı ölkənin Səhiyyə Nazirliyi araşdırmaya başlayıb.
Bununla belə, Fransa erkən yoluxma faktlarının qeydə alındığı ilk ölkə deyil. 2 həftə öncə Kaliforniyada aparılan araşdırmada ABŞ-da koronavirusdan ölüm faktlarının hələ fevralın əvvəli və ortasında olduğunu müəyyənləşdirib. Buna baxmayaraq, ölkədə rəsmi ilk ölüm faktı fevralın 26-sı qeydə alınıb. Bundan başqa, bir neçə həftə öncə eyni ştatın Santa-Klara dairəsində 3,3 min yerli sakində koronavirusa qarşı antikorun olub-olmamasını araşdırmaq üçün nümunələr alınıb. Hesablamaya görə, eksperimentdə iştirak etmiş 2,5% - 4,2% insanda koronavirusa qarşı antikorun ola biləcəyi qənaətinə gəlinib: “Bu yayılma göstəriciləri aprelin əvvəlinədək 48 mindən 81 minədək insanın bu dairədə yoluxduğunu əks etdirir. Bu da dairədə qeydə alınmış yoluxma hallarının sayında 50-85 dəfə çoxdur”.
Qeyd edək ki, hələ aprelin 9-da Köln Universiteti Klinikasının tibb elmləri doktoru Nuran Abdullayev Azərbaycanda pandemiyanın başlanğıc tarixinin daha öncə olması ehtimalını vurğulamışdı.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 3,7 milyonu ötüb. Bunların 1,2 milyon nəfərdən çoxu sağalıb, 258 mindən çoxu isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Azərbaycanda koronavirusa ilk yoluxma faktı fevralın 28-də qeydə alınıb. Ölkədə indiyədək bu virusa 2 060 nəfər yoluxub. Onlardan 1 508 nəfər sağalsa da, 26 nəfər vəfat edib.
Fransada koronavirusa ilk yoluxan şəxs hələ dekabrın 27-də xəstəxanaya müraciət edib. Foodinfo.az “Report”a istinadən xəbər verir ki, bunu BFM TV-yə Bobinya şəhər xəstəxanasının baş reanimatoloqu İv Koen açıqlayıb.
Onun sözlərinə görə, həkimlər xəstəxanaya hələ dekabr və yanvar ayında müraciət edən pnevmoniya xəstələrinin analizlərini yenidən yoxlayıb. Nəticədə, Fransada koronavirusa ilk yolxuma faktının yanvarın sonu qeydə alınmasına baxmayaraq, 24 pasiyentdən 1-də - 43 yaşlı Amiruş Ammar adlı kişidə koronavirus testi pozitiv çıxıb. Bildirilir ki, xəstəxanaya dekabrın 27-də müraciət edən kişi epidemioloji baxımından arzuolunmaz heç bir ölkəyə səfər etməyib. Bununla birlikdə, həkim pasiyentlərin xəstəxanaya yerləşdirilməsi zamanı yalnızca qrip və koronavirusun başqa növlərinin testlərinin keçirildiyini bildirib:
“Ancaq o vaxt COVID-19-un testi hələ keçirilmirdi”.
Həkim A.Ammarın 15 gün xəstə qaldığını və uşaqlarını da yoluxdurduğunu vurğulayıb: “Xəstəliyin mənbəyini araşdırarkən onun həyat yoldaşının Çin qaynaqlı suşi satanlarla yanaşı işlədiyini aşkarladıq. Ola bilsin o, xəstəliyi simptomsuz keçirib. Bunun təfərrüatını digər qurumlar incələməlidir”.
Həkimin sözlərinə görə, əsas məsələ xəstəxanaya müraciət etmiş 43 yaşlı Bobinya sakininin ölkədə ilk koronavirus xəstəsi olub-olmamasıdır: “Bunu öyrənmək üçün bütün ölkə üzrə pasiyentlərin pnevmoniya analizlərini yenidən incələmək lazımdır”.
Qeyd edək ki, ilk yoluxma halları barədə məlumat epidemiyanın gedişatını anlamaq üçün vacibdir.
Bu xəbərdən sonra Ümumdünya Səhiyyə Təşkilatının (ÜST) rəsmisi Kristian Lindmayer ölkələrin səhiyyə qurumlarını xəstəxanaların kartotekalarını yenidən gözdən keçirməyə səsləyib. O, xüsusilə dekabr və noyabr aylarındakı pasiyentlərin analizlərini araşdırmağa çağırıb. K.Lindmayerin sözlərinə görə, qəbul edilmiş beynəlxalq praktikaya əsasən, həkimlər atipik və ya qeyri-müəyyən pnevmoniyaların nümunələrini saxlayırlar.
BBC-nin məlumatın görə, Fransadakı hadisə ilə bağlı ölkənin Səhiyyə Nazirliyi araşdırmaya başlayıb.
Bununla belə, Fransa erkən yoluxma faktlarının qeydə alındığı ilk ölkə deyil. 2 həftə öncə Kaliforniyada aparılan araşdırmada ABŞ-da koronavirusdan ölüm faktlarının hələ fevralın əvvəli və ortasında olduğunu müəyyənləşdirib. Buna baxmayaraq, ölkədə rəsmi ilk ölüm faktı fevralın 26-sı qeydə alınıb. Bundan başqa, bir neçə həftə öncə eyni ştatın Santa-Klara dairəsində 3,3 min yerli sakində koronavirusa qarşı antikorun olub-olmamasını araşdırmaq üçün nümunələr alınıb. Hesablamaya görə, eksperimentdə iştirak etmiş 2,5% - 4,2% insanda koronavirusa qarşı antikorun ola biləcəyi qənaətinə gəlinib: “Bu yayılma göstəriciləri aprelin əvvəlinədək 48 mindən 81 minədək insanın bu dairədə yoluxduğunu əks etdirir. Bu da dairədə qeydə alınmış yoluxma hallarının sayında 50-85 dəfə çoxdur”.
Qeyd edək ki, hələ aprelin 9-da Köln Universiteti Klinikasının tibb elmləri doktoru Nuran Abdullayev Azərbaycanda pandemiyanın başlanğıc tarixinin daha öncə olması ehtimalını vurğulamışdı.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 3,7 milyonu ötüb. Bunların 1,2 milyon nəfərdən çoxu sağalıb, 258 mindən çoxu isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Azərbaycanda koronavirusa ilk yoluxma faktı fevralın 28-də qeydə alınıb. Ölkədə indiyədək bu virusa 2 060 nəfər yoluxub. Onlardan 1 508 nəfər sağalsa da, 26 nəfər vəfat edib.
