Pəhriz çaylarından istifadə zamanı ilk növbədə tərkibi diqqətlə oxunmalıdır. Çoxu işlədici və ya sidikqovucu bitkilər ehtiva etdiyindən bədəndə su və mineral itkisinə səbəb ola bilər. Bu da halsızlıq, başgicəllənmə, ürək ritmində pozğunluq kimi narahatlıqlara yol aça bilər. 

Etibarsız məhsulların tərkibində gizli kimyəvi maddələr ola bilər ki, bu da qaraciyər və böyrək üçün risklidir. 

Gün ərzində 1-2 fincandan artıq içmək tövsiyə olunmur. Çayın təkbaşına arıqlatma təsiri yoxdur, onu balanslı qidalanma və hərəkətlə dəstəkləmək vacibdir. 

Hamiləlik, südvermə dövrü, təzyiq və böyrək problemi olanlar isə pəhriz çaylarını həkim məsləhəti olmadan qəbul etməməlidirlər.