İngiltərədə 42 yaşlı Tom Bowie şirin qazlı suya aludə olub və səhhətində ciddi problemlər yaranıb. O, hər gün bu içkidən beş litrə qədər içib.

Foodinfo.az Daily Mail-ə istinadən bildirir ki, adam gündə bir qutu ilə işə başlayıb, lakin tezliklə 24 qutudan ibarət paketləri bir anda almağa başlayıb. Bir neçə il sonra o, artıq çəki aldığını və dişlərində problem olduğunu görüb. Diş həkimi ona turşu eroziyasının səviyyəsinin 70 yaşlı kişinin dişlərinin vəziyyətinə uyğun olduğunu deyib.

Asılı olduğu 10 il ərzində Tom Bowie qazlı içkiyə təxminən 40 min dollar xərcləyib, qızı atasını təqlid etməyə başlayandan sonra qazlı içkilərə də aludə olub.

Kişi terapevtə müraciət etdi. Nəticədə Tom Bowie nəzərəçarpacaq dərəcədə çəki itirib.

"İndi çox su içirəm və özümü daha yaxşı hiss edirəm. Mən qazlı içkilərə baxmıram və hətta maraqlanmıram” – deyə o əlavə edib.