"Honor" şirkəti özünün ən son məhsulunu - "Magic V2 Ultimate" qatlanan smartfonunu təqdim edib.
Foodinfo.az xəbər verir ki, qatlananda cəmi 9,9 mm qalınlığında olan bu smartfon dünyanın ən nazik qatlana bilən smartfonu adlana bilər.
İncə dizaynına baxmayaraq, "Magic V2 Ultimate 5000 mAh həcmli batareyaya və 120 Hz tezliyə malik iki OLED displeyə malikdir. Kamera "Magic 5 Pro"dan götürülüb.
"Honor Magic V2 Ultimate" ən son "Snapdragon 8 Gen 2" ilə çalışır və 16 GB RAM ilə təchiz edilib.
"Magic V2 Ultimate"in diqqətəlayiq xüsusiyyəti 0,22 mm qalınlığında buxar kamerası olan "Bionic Cooling System" soyutma sistemidir. Qrafit və termogel ilə birlikdə bu soyutma sistemi, ultra incə forma faktoruna baxmayaraq, cihazın istilik yayılmasını effektiv şəkildə idarə edir.
Hazırda "Magic V2 Ultimate" yalnız Çində əlçatandır, lakin yaxın gələcəkdə dünya bazarına çıxacağı istisna deyil.
Fərid
