Mədə-bağırsaq traktının xəstəlikləri insanın zahiri görünüşünə təsir edə bilər.
Foodinfo.az xəbər verir ki, bu barədə qastroenteroloq Alla Nerullina danışıb.
Həkim vurğulayıb ki, ilk öncə üzünüzün rənginə diqqət yetirməlisiniz: üzün rəngi açıq çəhrayı, yüngül qızartı ilə, lakin hər tərəfdə eyni olmalıdır.
Dəri sarımtıldırsa, üzərində hörümçək damarları görünürsə, bu, qaraciyər problemlərinin əlaməti ola bilər. Üzdəki səpgilər mədəaltı vəzi, öd kisəsi və ya qaraciyər xəstəliklərindən xəbər verə bilər. Dilin üzərində ağ örtük və ağız qoxusu mədə xorası və həzm pozğunluğunun göstəricisi ola bilər. Pankreatit ilə mədəaltı vəzinin iltihabı zamanı, həmçinin, qaşınma və dəri səpgiləri görünə bilər.
Nerullina qeyd edir ki, mədə-bağırsaq xəstəlikləri zamanı istifadə olunan dərmanların yan təsirləri də ola bilər. Məsələn, ağızda isti, acılı və turş yeməklər qəbul edərkən çox ağrı verən kiçik yaralar əmələ gələ bilər.
Həkimin sözlərinə görə, mədə-bağırsaq xəstəlikləri qızdırma ilə müşayiət oluna bilər. 37-37,5 ° C temperatur hepatit və ya qaraciyər sirrozunun əlaməti ola bilər, öd yollarının xəstəliklərində isə bədən temperaturu skelet və üz əzələlərinin spazmları ilə müşayiət olunan 39 ° C-dək və daha çox qalxa bilər.
Nərmin
