"YouTube" platforması xərçəng müalicəsi üçün zərərli və ya səmərəsiz olduğu sübut edilmiş üsulları təbliğ edən videoları siləcək.
Foodinfo.az xəbər verir ki, izləyiciləri peşəkar tibbi yardım üçün müraciət etməkdən çəkindirən videolar da qadağan olunacaq.
Bu qərar platformanın "COVID-19", peyvəndlər və reproduktiv sağlamlıq kimi mövzulardakı yalanlarla bağlı təcrübəsinə əsaslanaraq, tibbi dezinformasiya ilə mübarizə çərçivəsində qəbul edilib.
"YouTube" həm zərərli müalicələrə, həm də geniş qəbul edilən alternativlər əvəzinə təklif olunan, sınanmamış üsullara qarşı tədbir görəcəyini açıqlayıb.
Məsələn, platformada istifadəçiləri radioterapiyaya alternativ olaraq C vitamini əlavələri qəbul etməyə təşviq edən video yerləşdirilə bilməz.
Nurlan
