Aşağı glisemik indeksli qidalar qan şəkərini tez yüksəltmir və daha uzun müddət toxluq hissini təmin edir. Buna görə də, müntəzəm olaraq aşağı glisemik indeksli qidaların istehlakı qan şəkərini balanslaşdırmağa və çəki nəzarətini dəstəkləməyə kömək edə bilər.

Foodinfo.az aşağı glisemik indeksi olan 5 qida qrupunu təqdim edir:

1. Yaşıl yarpaqlı tərəvəzlər: 

İspanaq, kahı, arugula və pazı kimi yaşıl yarpaqlı tərəvəzlər aşağı glisemik indeksə malik qidalardır. Tərkibindəki lif və antioksidantları ilə orqanizmə çox faydalı olan bu tərəvəzlərə salatlarda, yeməklərdə istifadə edilə bilər.

2. Tam taxıllar: 

Buğda və yulaf kimi tam taxıllar aşağı glisemik indeksi olan qidalardır. Bu taxılların yavaş həzm olunması və qan şəkərini balanslı tutma qabiliyyəti sayəsində uzun müddət toxluq hissini təmin edə bilirlər.

3. Paxlalılar: 

Noxud, lobya və mərcimək kimi paxlalılar aşağı glisemik indeksi olan qidalar arasındadır. Tərkibindəki yüksək miqdarda lif və zülal sayəsində qan şəkərini balanslaşdırmağa kömək edirlər. 

4. Qatıq: 

Təbii şəkərsiz, probiotik qatıqlar aşağı glisemik indeksə malik süd məhsullarıdır. Tərkibindəki zülallar və probiyotiklərlə həzmi yavaşlatmaqla qan şəkərində qəfil artımın qarşısını alırlar.

5. Qoz, Badam, Fındıq: 

Bu qidalar da aşağı glisemik indeksi olan qidalar arasındadır. Tərkibindəki sağlam yağlar, zülallar və liflər sayəsində toxluq hissini təmin edir və qan şəkərini tarazlaşdırmağa kömək edir.