Limonlu qəhvənin daha sağlam olduğunu deyirlər. Bu doğrudur?

“Bəli, bir fincana bir neçə sitrus dilimi qoya və ya təzə sıxılmış şirə əlavə edə bilərsiniz. Belə içkidən siz daha çox antioksidant alacaqsınız - qəhvənin özündən, eləcə də limondan”, - biotexnoloq Natalya Denisova deyir.

Belə ki, antioksidantlar orqanizmdə vaxtından əvvəl qocalmağa səbəb olan oksidləşdirici proseslərin qarşısını alır.

Bundan əlavə, bu şəkildə immunitetinizi dəstəkləmiş olacaqsınız. C vitamininin mövsümi soyuqdəymə ilə mübarizə apardığı bilinir.

Qəhvə dənələrinin tərkibində dəmir, sink və B vitaminləri var ki, bu da immunoqlobulinlərin istehsalını stimullaşdırır, bu da virus və bakteriyalara qarşı müdafiəni artırır.

Nəhayət, kofein və limon suyunun birləşməsi maddələr mübadiləsini müəyyən qədər sürətləndirə bilər, yəni arıqlamağa kömək edir.