Pəhrizinizi yaxşı davam etdirib, eyni zamanda qazın qarşısında uzun müddət dayanmamaq və çoxlu pul xərcləməmək üçün bu resepti mütləq yoxlayın.

Lent.az xarici KİV-ə istinadən xəbər verir ki, aşpaz Yuliya Arxipova cəmi üç əlavə inqrediyentdən istifadə edərək sobada toyuq ətinin necə tez və dadlı bişirilməsini izah edib.

700-800 q file üçün təxminən 800 q konservləşdirilmiş ananas, 300 q sərt pendir götürməlisiniz. Bundan əlavə, prosesdə xama və ya mayonezdən istifadə etmək məsləhətdir, bu komponentlərdən hər hansı birindən 3 xörək qaşığı kifayətdir. Bir az qara bibər və duz da əlavə edə bilərsiniz. Əvvəlcə toyuq ətini hissələrə bölüb, bir az döyün. Daha sonra, duz və istiot əlavə edin.

Sonra məhsulu xama ilə yağlamaq lazımdır. Üzərinə ananas tikələri və sürtgəcdən keçirilmiş pendir qoya bilərsiniz. Yemək təxminən yarım saat 180 dərəcədə bişirilməlidir.