Yay aylarında günəşin qızdırcı şuaları bədənimizə təsir edə və dərinin yanmasına səbəb ola bilər.
Bəs, vücudumuzu gün yandırmasından necə qoruya bilərik?
Foodinfo.az-ın xəbərinə görə, Qafqazinfo xarici KİV-ə istinadən gün yandırmaları zaman nə etmək lazım olduğunu təqdim edir:
Soyuq tətbiq
Günəş yanığı sonrası tətbiq oluna biləcək ən təcili üsul soyuq su, ilıq duş və soyuq tətbiqlərdir.
Bu səbəbdən yanıq yerinə soyuq suda isladılmış parça və ya dəsmal da çəkə bilərsiz.
Çay kompresi
Günəş yanığı bölgəsinə qara, yaşıl çay və çobanyastığı çayı dəmləndikdən və soyuduqdan sonra soyuq kompres kimi tətbiq oluna bilər.
Bu çaylar tərkibindəki vitamin və minerallar ilə dərinin bərpasına kömək edəcək və iltihabın inkişafının qarşısını alacaq.
Aloe vera
Tərkibində heç bir kimyəvi maddə olmayan aloe vera ekstraktı yüngül günəş yanığı bölgəsini rahatlamağa kömək edəcək. Bu, dərini soyutmağa və ağrıları azaltmağa da kömək edə bilər.
Qatıq
Qatıq yanıqlar üçün ən çox bilinən vasitədir. Qatığı dəriyə sürməzdən əvvəl 5 dəqiqə soyuducuda saxlayın. Sonra onu dəriyə sürtüb yayın. 4-5 dəqiqə gözlədikdən sonra ilıq su ilə də yaxalaya bilərsiz.
Su
Günəş vannası qəbul edərkən orqanizm çoxlu su itirdiyindən, bol su içmək yanmış dərinin bərpasına kömək edəcək.
