Avstraliya sakini ona hücum edən timsahla mübarizə aparıb.  Foodinfo.az vildirir ki, bu barədə ABC News yazır.

Kimberli ştatının Dampier yarımadasındakı Ardialun aborigen icmasından olan kişi balıq ovuna çıxıb. O, Dampier yaxınlığındakı kiçik adalardan birinin sahillərində suda olarkən ona yaxınlaşan böyük bir timsahı görüb. Yırtıcı ona hücum edəndə kişi onun üzünə vurub. Timsah bir anlıq oriyentasiyasını itirərək adamın qaçmasına şərait yaradıb.

Qərbi Avstraliya Səhiyyə Xidmətinin sözçüsü, kişinin Broome Xəstəxanasında müalicə olunduğunu və artıq evə buraxıldığını söyləyib. Avstraliyalı öz cəsarəti sayəsində həyatını xilas edə bilib.