Rusiyanın Yekaterinburq şəhərində keçirilən “İnnoprom-2023” sənaye sərgisində Qazaxıstandan gətirilən unikal qadcet təqdim olunub.
Foodinfo.az xəbər verir ki, yaradıcılar onun stressi cəmi bir neçə saniyə ərzində aradan qaldıra və alkoqol sərxoşluğuna bənzər bir hiss yarada bildiyini deyirlər.
Söhbət “rəqəmsal alkoqol” adı ilə təqdim olunan neyroqulaqlıqlardan gedir.
Neyroqulaqlıqlar 6-dan 25 saniyəyə qədər davam edən audio treki səsləndirməklə insanı rahatladır. Bu siqnallar insanın vestibulyar aparatına təsir edərək, rahatlıq və yellənmə hissi yaradır.
Tərtibatçılar iddia edirlər ki, neyroqulaqcıqlar istirahət otaqlarında istifadə üçün nəzərdə tutulub, burada insanlar tez stress ata və gündəlik problemlərdən yayına bilərlər.
Cihaz bütün sinir sistemi və vestibulyar aparatla əlaqəli olan vagus sinirinə (azan sinir) təsir edərək dərin rahatlıq hissi yaradır.
Bu qadceti artıq sınaqdan keçirmiş insanlar qulaqlarda və boyunda sancmalar hiss etdiklərini, bu hissin ayaqlaradək yayıldığını deyirlər. Alkoqol sərxoşluğu halını xatırladaraq, ayaqlar pambıq kimi olur, baş gicəllənir. Bütün bunlar əzələlərin tam boşalması ilə müşayiət olunur.
Yeni qulaqlıqları hazırda Qazaxıstanda almaq mümkündür. Cihazın qiyməti 2000 dollardır.
Nurlan
