"Xiaomi" şirkəti qiyməti cəmi 400 dollar olan 75 düymlük EA75 smart televizorunu təqdim edib.

Foodinfo.az xəbər verir ki, televizorun 4K ekran icazəsinə malikdir  və 1,07 milyard rəng çaları nümayiş etdirərək real görüntü yaradır.

Televizor dördnüvəli prosessor, 1,5 GB operativ yaddaş və 8 GB daxili yaddaşla təchiz edilib.

Rahat qoşulma üçün USB-A, HDMI, AV, RJ-45 və S/PDIF portları mövcuddur. "Xiaomi" tərəfindən hazırlanmış "MIUI for TV3.0" əməliyyat sistemi səsli köməkçi vasitəsi ilə rahat idarəetməni təmin edir.

EA75, həmçinin, keyfiyyətli səs üçün DTS-HD dəstəyi ilə hərəsi 10 Vt gücündə olan daxili dinamiklərə malikdir. Wi-Fi 2.4 GHz / 5 GHz və Bluetooth 5.0 modulları İnternetə qoşulmağa və müxtəlif xarici cihazlardan istifadə etməyə imkan verir.

Bu yeniliyin daxili bazardan kənarda satılıb-satılmayacağı hələlik məlum deyil.

Leyla