Quru meyvələrin yuyulması təkcə gigiyena üçün deyil, sağlamlıq üçün də vacibdir.

Quru meyvələrin istifadəsi zamanı onların düzgün təmizlənməsi mühüm əhəmiyyət daşıyır. Foodinfo.az-ın məlumatına görə, gavalı, quru ərik və kişmişi yeməkdən əvvəl yumaq və islatmaq sağlamlıq baxımından vacibdir.

Toz və bakteriyalar:

Xüsusilə bazarlardan alınan quru meyvələr toz, mikroorqanizmlər və bakteriyalarla çirklənmiş ola bilər. Bu məhsullara digər alıcılar da toxunduğu üçün infeksiya riski artır.

Kimyəvi maddələr:

Sənaye üsulu ilə qablaşdırılan quru meyvələr kükürd dioksidi ilə işlənir ki, bu da onların cəlbedici görünməsini təmin edir və uzunmüddətli saxlama üçün istifadə olunur. Sağlam insanlar üçün təhlükəsiz olsa da, allergiya və ya astma xəstələrində mənfi təsirlərə səbəb ola bilər. Bu kimyəvi maddə suda həll olunur, buna görə də meyvələri islatmaq məsləhətdir.

Quru meyvələrin düzgün təmizlənmə üsulları

1. Gavalı və Quru Ərik:

Gavalı və quru ərikləri dərin bir qaba qoyun. Qaynar su ilə doldurun və 30-60 dəqiqə isladın. Bu, həm gigiyenanı təmin edir, həm də meyvələrin yumşalmasını təmin edir.

2. Kişmiş:

Kişmişi isti axar suyun altında yuyun. Daha sonra isti suda 10-20 dəqiqə saxlayın.

Çörək bişirmək üçün istifadə edəcəksinizsə, yuduqdan sonra qurudub una batırın və xəmirə əlavə edin.

Quru meyvələrin düzgün təmizlənməsi onların həm gigiyenasını təmin edir, həm də yemək zamanı daha ləzzətli olmasına imkan yaradır. Bu sadə addımları tətbiq edərək quru meyvələrdən təhlükəsiz və rahat istifadə edə bilərsiniz.