Son illər qlütenə qarşı həssaslıq hallarının artdığı müşahidə olunur. Foodinfo.az bildirir ki, bu barədə diyetoloq İrina Bespalova məlumat verib. O qeyd edir ki, qarında köp, yorğunluq, dəri səpkiləri və baş ağrısı qlütenə qarşı dözümsüzlüyün əlamətləri ola bilər.

Qlüten buğda, arpa və çovdar tərkibli məhsullarda olur və çox vaxt çörək, makaron və hazır qidaların tərkibində gizlənir. Bespalova deyir ki, belə simptomları olan şəxslər test verməli və həkimlə məsləhətləşməlidirlər. Qlüteni tamamilə rasiondan çıxarmaq ciddi qida çatışmazlığına səbəb ola bilər. Mütəxəssis balanslı pəhriz planı hazırlamadan özbaşına dəyişikliklər etməməyi tövsiyə edir. Onun sözlərinə görə, buğda əvəzinə qarabaşaq, darı və kinoa alternativ kimi seçilə bilər.

Qlüten həssaslığı çölyak xəstəliyindən fərqlidir və hər ikisinin diaqnozu fərqli metodlarla aparılır. Belə hallarda qida gündəliyi aparmaq simptomları izləmək baxımından faydalı olur. Həkim göstərişi olmadan “qlütensiz” etiketi olan məhsullara yönəlmək risklidir. Sağlam yanaşma fərdi qiymətləndirməyə əsaslanmalıdır.