Son zamanlar sağlam qidalanma trendləri arasında ağ çörəyi rasiondan çıxarmaq populyarlaşıb. Sadəcə 14 gün ərzində ağ çörək yeməmək belə bədəndə bir sıra müsbət dəyişikliklər yarada bilər.
1. Qan şəkəri daha sabit olar
Ağ çörək yüksək qlisemik indeksə malikdir, yəni qan şəkərini sürətlə artırır. Onu yeməmək, qan şəkərinin ani qalxıb-enməsinin qarşısını alır və gün ərzində halsızlıq hissini azaldır.
2. Həzm sistemi rahatlaşdırar
Bəzi insanlar ağ undan hazırlanan məhsulları həzm etməkdə çətinlik çəkir, köp və şişkinlik yaranır. 14 günlük fasilə bağırsaqların daha rahat işləməsinə kömək edir.
3. Yüngül çəki itkisi mümkündür
Əgər ağ çörək tərəvəz, tam taxıl məhsulları və proteinlə əvəz olunarsa, ümumi kalori qəbulu azala bilər və bu, çəkiyə müsbət təsir göstərə bilər.
4 Enerji səviyyəsi sabit qalar
Sadə karbohidratlar qısa müddətli enerji verir. Onu daha kompleks karbohidratlarla əvəz etmək enerjini daha uzunmüddətli saxlamağa imkan verir.
Karbohidrat qəbulunu birdən-birə çox azaltmaq baş ağrısı, halsızlıq və əsəbilik yarada bilər. Buna görə balanslı qidalanma vacibdir.
14 gün ərzində ağ çörəyi rasiondan çıxarmaq bədəndə qan şəkəri, həzm sistemi və enerji balansına müsbət təsir edə bilər.
