Mağazalar müxtəlif zövqlər üçün böyük bir içki seçimi təklif edir. Ancaq bunların hamısının orqanizmə təsiri olduğunu xatırlamaq lazımdır. 

Lent.az xarici mətbuata istinadən bildirir ki, dietoloqlar özlərinin imtina etdikləri içkiləri açıqlayır və başqalarına da bu nümunəyə əməl etməyi tövsiyə edirlər.

Təcrübəli dietoloq Hizer Neys hazırda istehlak etdiyimiz əlavə şəkərin çoxunun şirinləşdirilmiş içkilərdən gəldiyini vurğulayıb. Əlavə edilmiş şəkərin çox olması diabet və ürək-damar xəstəliklərinin inkişafı da daxil olmaqla bir neçə səbəbə görə sağlamlığa mənfi təsir göstərə bilər.

Buna görə də o, şəkərli içkiləri rasionunuzdan tamamilə çıxarmağı tövsiyə edir. Üstəlik, onların bəzilərində, məlum olduğu kimi, şəkər, ümumiyyətlə, yoxdur. Ancaq bu, onları daha çox zərərli edir.

Dietoloqların imtina etdiyi bir neçə içki bunlardır:

1. “Şəkərsiz” içkilər: Dietoloq Karli Sen- Loran pəhriz qazlı silarını içməyi tövsiyə etmir, çünki onların tərkibində süni dadlandırıcılar var, bu da qarın şişkinliyi və digər həzm problemlərinə səbəb ola bilər.

2. Qazlı içkilər: Florida Universitetinin kliniki qidalanma mütəxəssisi Janett Andrade qeyd edir ki, hər qabda  təxminən 39 qram şəkər olan soda, əsas vitamin və mineralları ehtiva etmədiyi üçün sağlamlığa fayda vermir.

3. Enerji içkiləri:  Bu içkilər enerji hissi versə də, tərkibinə çoxlu miqdarda şəkər əlavə olunur. Onların istehlakı ürək-damar xəstəlikləri riskini artıra bilər və həmçinin psixi pozğunluqlar, başgicəllənmə və titrəmə kimi müxtəlif yan təsirlərə səbəb ola bilər.