Diyetoloq Polina Zuravleva heyvan zülalının insanlar üçün təhlükələrinə şübhə ilə yanaşıb.
Foodinfo.az xəbər verir ki, İctimai Xəbər Xidməti ilə söhbətində o, zülallı qidaların ömür uzunluğuna mənfi təsir etdiyini açıq şəkildə sübut edən elmi araşdırmaların olmadığını söyləyib.
Ekspertin sözlərinə görə, bir neçə araşdırma var ki, əksinə, zülalın sağlamlıq üçün faydalı olduğunu sübut edir. Onlardan birinə görə, zülalın miqdarının hər kiloqram bədən çəkisi üçün 1,6 q-a qədər artırılması orqanizmin tərkibinə və qan lipidlərinin səviyyəsinə müsbət təsir göstərir.
Digər tədqiqatlar təsdiqləyir ki, yüksək proteinli diyetlər yağ itkisini sürətləndirir və əzələ kütləsini saxlamağa kömək edir, bu da öz növbəsində uzunömürlülüyü əhəmiyyətli dərəcədə təsir edir.
