Qırmızı soğan öz tərkibi ilə sağlamlıq üçün çox faydalı tərəvəzdir. Onun tərkibində C, B6 və K vitaminləri, həmçinin fol turşusu, maqnezium, kalium və antioksidantlar var. 

Foodinfo.az xəbər verir ki, xüsusilə flavonoid qrupu olan kversetin qırmızı soğanın əsas tərkib hissələrindən biridir və iltihab əleyhinə təsir göstərir.

Ürək-damar sağlamlığı üçün qırmızı soğan çox faydalıdır. Kversetin qan təzyiqini aşağı salmağa, damarları genişləndirməyə və xolesterolu tənzimləməyə kömək edir. Bu, ürək xəstəliklərinin və insultun qarşısını alır. 

Qırmızı soğan həm də immuniteti gücləndirir. C vitamini sayəsində bədəni infeksiyalara qarşı qoruyur və orqanizmi sərbəst radikalların zərərindən müdafiə edir. Tərkibindəki antioksidantlar xərçəng hüceyrələrinin yaranma riskini azaldır.

Eyni zamanda qırmızı soğan həzm sisteminə də faydalıdır. Liflə zəngin olması bağırsaq fəaliyyətini yaxşılaşdırır və qəbizliyin qarşısını alır.

Ümumiyyətlə, qırmızı soğan sağlamlığın qorunmasında mühüm rol oynayır və müntəzəm istifadə edilməsi tövsiyə olunur.