Bitki mənşəli məhsullar insan sağlamlığının qorunmasında və düzgün qidalanmada əsas rol oynayır. Foodinfo.az xəbər verir ki, bu barədə poliklinika terapiyası və ailə təbabəti kafedrasının professoru, tibb elmləri doktoru Nikolay Kirilenko məlumat verib.
Ekspertin sözlərinə görə, tərəvəzlər ən yaxşı halda təzə olaraq salatlarda istifadə edilməli, həmçinin pomidor, bibər, soğan və yerkökündən hazırlanan tərəvəz qovurmaları etmək mümkündür. Salatlara və tərəvəz qovurmalarına əlavə duz tövsiyə olunmur.
Kirilenko vurğulayıb ki, tərəvəzlərə bitki yağından hazırlanmış salat sosu əlavə etmək daha məqsədəuyğundur.
Həkim qeyd edib ki, gündəlik qidalanmada ən azı 400–500 qram tərəvəz və meyvə yemək tövsiyə olunur. Bundan əlavə, qida rasionu müxtəlif olmalıdır ki, orqanizm bütün zəruri qida maddələri ilə təmin edilsin.
