Əksər meyvələr xoş dadı ilə yanaşı, tərkibindəki minerallar və faydalı birləşmələr sayəsində orqanizmin sağlamlığı üçün çoxlu faydalara malikdir və sizi hər cür xəstəliklərdən qoruyur. Məsələn, nar, alma, qarpız, portağal, banan təzyiqi aşağı salmağa kömək edən meyvələr sırasındadır.
Foodinfo.az bildirir ki, qida rasionunuzda müntəzəm olaraq meyvə istehlakı orqanizmə lazım olan vacib vitamin və mineralları, antioksidantları və lifi almağa kömək edəcək. Daha çox meyvə yeyən insanlarda infarkt, insult və xərçəng riski daha az olur. Həmçinin, 2021-ci ildə Avstraliyada aparılan bir araşdırma göstərdi ki, gündə ən azı iki porsiya meyvə istehlak edən insanlarda tip 2 diabet statistikası 36% aşağıdır.
Bəzi meyvə növlərinin digərlərindən daha çox qida dəyəri və sağlamlığa faydaları olduğu bildirilir.
1. Alma
Almalar əla lif mənbəyidir, bağırsaq və ürək sağlamlığının qorunmasında mühüm rol oynayır. 2020-ci ildə aparılan kiçik bir araşdırma, 8 həftə ərzində gündə iki alma yeməyin insanlarda pis xolesterini, trigliseridləri və digər ürək xəstəliklərinin göstəricilərini azaltdığını göstərdi. Həmçinin almanın tərkibindəki həll olunan lif bağırsaqlardakı faydalı bakteriyaların qidalanmasına kömək edir.
2. Albalı
Albalı iltihabı və oksidləşdirici stressi azaltmaqda rol oynayan antioksidanlar və antiinflamatuar birləşmələr də daxil olmaqla, qida və faydalı maddələrlə dolu dadlı meyvədir.
3. Qurudulmuş gavalı
Təzə gavalı tapmaqda və ya saxlamaqda çətinlik çəkirsinizsə, qurudulmuş gavalı yeməyə cəhd edin. Araşdırmalara görə, gündə beş quru gavalı yemək xüsusilə osteoporozlu insanlarda sümük sıxlığını qorumağa kömək edir.
4. Banan
Banan xüsusilə idmandan əvvəl enerji üçün əla meyvədir. Orta ölçülü bananda 27 qram karbohidrat var.
5. Qarpız
Qarpız likopenlə zəngindir. Müəyyən xərçəng riskini azalda bilən və ürək sağlamlığını yaxşılaşdıran bir antioksidandır. Qarpızın qırmızı olmasının səbəbi likopendir. Bu qreypfrut və hətta pomidor kimi digər meyvələrdə də olur.
Qarpız qabığının da yeməli olduğunu, liflə zəngin olduğunu və ürək sağlamlığını yaxşılaşdıran sitrulin kimi faydalı amin turşularını ehtiva etdiyini bilmək maraqlıola bilər.
