Kakao qocalmanı ləngidən, yaddaşı yaxşılaşdıran və ürək-damar xəstəliklərinin inkişafının qarşısını alan içkidir. Foodinfo.az xəbər verir ki, bu barədə diyetoloq Tatyana Zalyotova bildirib.

Onun sözlərinə görə, bu içkinin tərkibində trombositlərin yığılmasını azaldan bioaktiv birləşmələr var. Antioksidantlar və flavonoidlər yaddaşı yaxşılaşdırmağa kömək edir. Kakao həmçinin qaraciyər xəstəlikləri, o cümlədən sirozu olan insanlar üçün lazım olan komponentləri ehtiva edir. İçki müalicəyə çevrilməyəcək, ancaq xəstəliyin gedişatını yavaşlatmağa kömək edəcək.

Kakao həmçinin müxtəlif patologiyalar, o cümlədən viral hepatitlər üçün kompleks terapiyanın köməkçi hissəsi ola bilər. İçki həmçinin diabet və bəzi xərçəng növlərinin qarşısının alınmasına kömək edir. Əsas odur ki, kakaonu süd və şəkərsiz içəsiniz. Həftədə iki və ya üç dəfə kifayətdir.