Bir çox insan sadəcə arıqlamanın nəticələrini görə bilmədiklərinə görə artıq çəki ilə mübarizədən əl çəkirlər.

Bəziləri üçün qida məhdudiyyətlərinə riayət etmək, məşq etmək kifayət qədər çətindir.

Belə hallarda hiylələrin köməyi ilə arıqlamaq prosesini sürətləndirə bilərsiniz.

 Foodinfo.az arıqlamağı asanlaşdıran bəzi üsulları təqdim edir:

1. 10 min addım

Kimsə bu rəqəmin çox böyük və şişirdilmiş göründüyünü düşünür, digərləri isə gündəlik addım normasını yerinə yetirməyə çalışır.

Lakin ekspertlər hesab edir ki, arıqlamaq istəyirsinizsə, hər gün 10.000 addım atmalısınız.

Bu, çətinlik yaratmayan ən asan fiziki fəaliyyət növlərindən biridir.

2. Yaşıl çay

Əgər siz hələ də yaşıl çayın yağ yandırıcı xüsusiyyətlərinin ümumi bir mif olduğunu düşünürsünüzsə, onda cəhd edin. Aktiv kilo itkisi zamanı gündə 4-5 stəkan içə bilərsiniz. Qəhvədən imtina etmək ən yaxşı seçim ola bilər.

 İçki təbii, yad dad və qoxusuz olmalıdır. Ancaq şəkərsiz adi yaşıl çay həqiqətən bədən yağından qurtulmağa kömək edir.

3. Zəncəfil

Zəncəfil içkisi çox miqdarda içilməməlidir, çünki yüksək kaloriyə malikdir. Lakin zəncəfil kökünün özü maddələr mübadiləsi prosesini sürətləndirmək qabiliyyətinə malikdir.

4. Yatmazdan öncə çobanyastığı və ya nanəli çay

Arıqlamaq üçün ən az 8 saat yatmaq vacibdir. Məhz bu miqdarda gecə istirahəti optimal hesab olunur.

Güclü və keyfiyyətli yuxu üçün yatmazdan əvvəl çobanyastığı və ya nanə əsaslı çay içməyə dəyər.

5. Acı bibər

Mədə-bağırsaq traktının orqanlarında problem yoxdursa, bibər və ya jalapeno əlavəsi ilə yemək yeməlisiniz.

Acı bibərin tərkibində maddələr mübadiləsini sürətləndirən, yağ yataqlarını parçalayan və xərçəngin qarşısını alan kapsaisin tapa bilərsiniz.