Stokholm Səhiyyə Elmləri İnstitutunun mütəxəssisi doktor Lars Höglund yay aylarında dondurmanın nə qədər təhlükəli ola biləcəyini açıqlayıb. Foodinfo.az xəbər verir ki, çox soyuq qidaların tez-tez qəbulu boğaz və yuxarı tənəffüs yollarında mikro zədələnmələr yarada bilər.

Bu da immun sisteminin zəifləməsinə və viruslara qarşı həssaslığın artmasına səbəb ola bilər. Höglund bildirir ki, dondurmanın temperaturu orqanizmin daxili termoregulyasiyasını pozur, xüsusilə uşaqlar və yaşlılar üçün.

Bunun əvəzinə, o, meyvə əsaslı dondurulmuş yoqurt və ya təbii sorbetləri tövsiyə edir. Həddindən artıq soyuq qidaların sürətlə yeyilməsi isə əlavə risk yaradır. Mütəxəssisin fikirləri Nordic Health Journalda dərc olunub.