Qara ağcaqayın yalnız dadı ilə deyil, sağlamlığa verdiyi saysız-hesabsız faydaları ilə də seçilir. Tərkibində vitaminlər (xüsusilə C və K), minerallar (dəmir, kalsium, kalium), flavonoidlər, antosiyaninlər və lif kimi bir çox faydalı maddə var.

Foodinfo.az xəbər verir ki, bu meyvənin tərkibindəki antioksidantlar hüceyrələri sərbəst radikalların zədələyici təsirindən qoruyaraq xərçəng və digər xroniki xəstəliklərin yaranma riskini azaldır. 

C vitamini ilə zəngin olduğuna görə, bədənin infeksiyalara qarşı müdafiəsini gücləndirir və soyuqdəymə, qrip kimi xəstəliklərə qarşı qoruyucu təsir göstərir.

Qanazlığı olan insanlar üçün çox faydalıdır, çünki qara tutun tərkibindəki dəmir maddəsi qırmızı qan hüceyrələrinin əmələ gəlməsinə kömək edir. 

Xalq təbabətində uzun illərdir ki, qara ağcaqayın qanı təmizləyən və qaraciyəri gücləndirən bir vasitə kimi tanınır. Qaraciyərin toksinlərdən təmizlənməsində və bədənin ümumi zəhərlərdən azad edilməsində də rol oynayır.

Bağırsaq hərəkətlərini tənzimləyir, çünki yüksək miqdarda pəhriz lifi ehtiva edir. Bu isə qəbizlik problemi yaşayan insanlar üçün xüsusilə faydalıdır. Həmçinin, mədənin turşuluğunu tənzimləyərək həzmi asanlaşdırır, şişkinlik və qaz problemlərinin qarşısını alır.

Boğaz ağrısı və öskürək zamanı istifadə edildikdə boğazı yumşaldır, səsi rahatladır. Xüsusilə doşabı və ya mürəbbə şəklində istifadə olunduqda ilıq halda içilməsi faydalıdır.

Dərinin sağlam qalmasına, parlaq görünməsinə və qocalma əlamətlərinin ləngidilməsinə kömək edir. Tərkibindəki antosiyaninlər dəridə hüceyrə yenilənməsini dəstəkləyir. Bəzi mənbələr bu meyvənin hətta beyin sağlamlığına və yaddaşa da müsbət təsir etdiyini qeyd edir.

Şəkərli diabeti olanlar ehtiyatla istehlak etməlidir, çünki tərkibində təbii şəkərlər var. Ancaq onun bəzi növlərinin və doşabının qan şəkərini tənzimləməyə kömək etdiyi də müşahidə olunub. Yenə də həkim nəzarəti ilə istifadə olunmalıdır.