Münasibətlərdə yaş fərqi bəzən çox müzakirə olunan mövzudur. Bəs hansı yaş fərqi münasibətləri daha davamlı edir? Foodinfo.az xəbər verir ki, psixoterapevt və ailə münasibətləri üzrə mütəxəssis Aleksey Vilkov harmonik və uzunömürlü münasibətlər üçün ideal yaş fərqinin 5 ildən çox olmamasını tövsiyə edib.

Mütəxəssisin sözlərinə görə, cütlüklər arasında az yaş fərqi olduqda onların düşüncə tərzi, həyat dəyərləri və məqsədləri daha çox üst-üstə düşür. Bu da münasibətlərdə qarşılıqlı anlayışı və emosional yaxınlığı gücləndirir.

Kiçik yaş fərqi həmçinin tərəflərin enerji səviyyəsini, sağlamlıq vəziyyətini və ailə qurmağa baxışlarını bir-birinə uyğunlaşdırır. Ənənəvi olaraq kişilərin bir qədər böyük olması da münasibətə sabitlik gətirə bilər.

Vilkov qeyd edib ki, böyük yaş fərqi çox vaxt fərqli həyat təcrübəsi, dünya görüşü və bədən ritmləri səbəbindən emosional uyğunsuzluq yaradır. Məsələn, 45 yaşdan sonra kişilərdə cinsi istək azalır, halbuki 30 yaşlı qadınlar bu dövrdə emosional və fiziki baxımdan daha fəaldır. Bu fərq münasibətlərdə narazılıqlara səbəb ola bilər.

Bununla belə, psixoterapevt vurğulayıb ki, hər münasibət unikaldır və qaydalardan kənar çoxlu xoşbəxt istisnalar da mövcuddur. Əsas olan qarşılıqlı hörmət, anlayış və sevginin qorunmasıdır.