Yaşıl alma təkcə az kalorili meyvə deyil, həm də bədəni təmizləyən, immun sistemini gücləndirən və arıqlamağa kömək edən təbii antioksidant mənbəyidir.
Foodinfo.az yaşıl almanın faydalarını təqdim edir:
1. Həzm sistemini tənzimləyir
Yaşıl alma liflə zəngin olduğuna görə, bağırsaqların fəaliyyətini yaxşılaşdırır, qəbizliyin qarşısını alır və həzm sistemini normallaşdırır. Mütəxəssislər səhərlər acqarına yaşıl alma yeməyin orqanizmi toksinlərdən təmizlədiyini bildirirlər.
2. Qan şəkərini sabit saxlayır
Bu meyvə aşağı qlisemik indeksə malikdir. Bu səbəbdən qanda şəkərin səviyyəsini kəskin artırmır və diabet riski olan şəxslər üçün daha təhlükəsiz seçim sayılır.
3. Arıqlamağa kömək edir
Az kalorili və yüksək lif tərkibli olduğu üçün yaşıl alma uzun müddət toxluq hissi yaradır. Bu xüsusiyyətinə görə pəhrizlərdə geniş istifadə olunur.
4. İmmun sistemini möhkəmləndirir
Tərkibindəki C vitamini və antioksidant maddələr bədəni virus və infeksiyalara qarşı qoruyur, xüsusilə mövsüm dəyişikliklərində immunitetin zəifləməsinin qarşısını alır.
5. Dəri və saç üçün faydalıdır
Antioksidant və A vitamini baxımından zəngin olan yaşıl alma dərinin parlaq qalmasına, qocalma prosesinin ləngiməsinə və saç köklərinin möhkəmlənməsinə kömək edir.
6. Ürək sağlamlığını qoruyur
Tədqiqatlara görə, yaşıl alma müntəzəm istehlak edildikdə xolesterinin səviyyəsini azaldır, qan dövranını yaxşılaşdırır və ürək-damar xəstəlikləri riskini azaldır.
7. Qaraciyərin fəaliyyətini dəstəkləyir
Yaşıl alma bədənə detoks təsiri göstərir və qaraciyərin təmizlənməsinə kömək edir.
Həkimlər gündə 1 ədəd yaşıl alma yeməyin həm bağırsaq mikroflorasına müsbət təsir etdiyini, həm də ümumi orqanizm sağlamlığını qoruduğunu vurğulayırlar.
