İyunun 30-da, saat 11:00-da “Suraxanı Bazar” ASC-nin səhmdarlarının ümumi yığıncağı keçiriləcək. Yığıncaq Bakı şəhəri, Suraxanı rayonu, Əmircan qəsəbəsi, M.Mustafayev küçəsi, 7 ünvanında olacaq. Yığıncağın gündəliyinə Cəmiyyətin 2017-ci il üzrə maliyyə-təsərrüfat fəaliyyətinə dair hesabatın təsdiq edilməsi, illik dividendin bölünməsi, bazarın balansında olan qeyri-yaşayış sahəsinin qanunsuz istifadəsi nəticəsində səhmdarlar E.Əsədovun, A,Əsədovun və S.Məmmədovanın Cəmiyyətə vurduqları zərərin müzakirə edilməsi və onlar haqqında qərar qəbul olunması, eləcə də digər məsələlər daxildir. (Report)