Tropik meyvələr xüsusilə soyuq aylarda faydalıdır. Foodinfo.az xəbər verir ki, qida üzrə mütəxəssis Dr. Hannah Lee «MedicalNewsToday.com» saytına verdiyi müsahibədə bildirib ki, kivi immunitet sistemini gücləndirmək üçün ideal məhsuldur.
Dr. Lee qeyd edib ki, kivi C vitamini ilə zəngindir və viral infeksiyalara qarşı qoruyucu təsir göstərir. O əlavə edib ki, kivi həm də liflə zəngindir, həzm sistemini normallaşdırır və qan şəkərinin sabit qalmasına yardım edir.
Ekspert bildirib ki, gündəlik bir-iki meyvə immun sistemini dəstəkləyir və enerji səviyyəsini yüksəldir. Dr. Lee vurğulayıb ki, kivi salatlarda, smuzi və ya təzə yemək üçün idealdır.
O həmçinin xatırladıb ki, kivi antioksidantlarla zəngindir və dəri sağlamlığına müsbət təsir göstərir. Dr. Lee tövsiyə edib ki, balanslı qidalanma ilə birlikdə kivi gündəlik menyuya daxil edilsin.
