Dərinin sağlamlığı əsasən qidalanmadan asılıdır. Çinin Lanzhou Universitetinin alimləri deyirlər ki, bəzi qidalar müsbət təsir göstərə bilər, digərləri isə qocalmanı sürətləndirir.

Genetik analizdən istifadə edərək, komanda müxtəlif qidaların istehlakı ilə dəri problemləri arasında mümkün səbəb-nəticə əlaqələrini araşdırıb. Nəticələr “Archives of Dermatological Research” jurnalında dərc olunub.

Aparılan araşdırmalar göstərir ki, yağlı balıq yemək dərinin qocalma ehtimalını azaldır. Salat və ya çiy tərəvəz yemək dəri xərçəngi riskini aşağı salır.

Bu arada, qəhvə və donuz əti dərinin qocalması riskinin artması ilə əlaqələndirilir. Bundan əlavə, mal əti, şampan və ağ şərabın istehlakı melanoma, çörək isə keratinositlər (insan dərisinin epidermisinin əsas hüceyrələri) ilə əlaqəli dəri xərçəngi ehtimalı ilə əlaqələndirilir.