Göy soğan (yaşıl soğan) vitamin və minerallarla zəngin, sağlamlıq üçün faydalı bir tərəvəzdir. O, C, K və B6 vitaminləri, fol turşusu, dəmir və kalium kimi vacib maddələr ehtiva edir. 

Foodinfo.az xəbər verir ki, göy soğan həm də antioksidantlar və fitonutrientlərlə zəngindir, bu da immun sistemini gücləndirir və bədənin iltihaba qarşı müdafiəsini artırır. 

Mətbəxdə geniş istifadə olunan göy soğan salatlara, şorbalara və müxtəlif yeməklərə təravət qatmaq üçün əlavə edilir. 

Onun tərkibindəki təbii kükürd maddəsi isə orqanizmdəki toksinlərin təmizlənməsinə kömək edir və həzm sistemini dəstəkləyir.