Tibb üzrə fəlsəfə doktoru, qastroenteroloq Yevgeni Belousov xəbərdarlıq edib ki, Yeni il mövsümü sitrusun həddindən artıq istehlakı müəyyən risklər yarada bilər.
Aztibb.az “Med Novelty” portalına istinadən xəbər verir ki, həkimin tövsiyələrinə görə, naringilərin tərkibində olan həddindən artıq salisilik turşu xüsusilə allergiyaya meylli insanlarda dərinin qıcıqlanmasına və qızarmasına səbəb ola bilər.
Sitrus meyvələr güclü allergenlərdir, buna görə də bayram günlərində, xüsusən də allergik reaksiyalara meyllisinizsə, diqqətli olmaq məsləhətdir.
Bundan əlavə, naringiləri həddindən artıq yemək mədə-bağırsaq traktında problemlər yarada bilər və şişkinlik, ürək yanması və ürəkbulanma kimi xoşagəlməz simptomlar göstərə bilər, həkim əlavə edib.
Şəkərli diabet xəstələri də yüksək qan şəkəri səviyyəsinə səbəb ola biləcək fruktoza tərkibinə görə bu meyvəni istehlak edərkən diqqətli olmalıdırlar.
“Böyüklər üçün tövsiyə olunan norma gündə 5 naringidən çox deyil, uşaqlar üçün isə bu miqdar daha azdır - bir-iki ədəd", - həkim vurğulayıb.
