Səhər yeməyi süfrələrinizə dad vermək və sevdikləriniz üçün ləzzətli sürpriz etmək istəyirsinizsə, bu asan və dadlı krep ( blinçik xəmiri) resepti məhz sizin üçündür.
Praktik və dadlı səhər yeməyi alternativi axtaranlar üçün bu əla bir seçimdir. Sadə addımları yerinə yetirərək hər kəsi təəccübləndirəcək kreplər hazırlaya bilərsiniz.
Foodinfo.az krep reseptini təqdim edir:
Lazım olan inqrediyentlər:
2 yumurta
2 stəkandan un
2 stəkan süd (yarı süd, yarı sudan da istifadə edə bilərsiniz)
1 çay qaşığı duz
Bişirilməsi üçün kərə yağı və ya duru yağ
Hazırlanması:
Krepi hazırlamaq üçün bir qaba un, süd (su) töküb topaqlar qalmayana qədər çalın. Yumurtaları əlavə etdikdən sonra yenə də yaxşıca çalın.
Keks xəmirindən daha duru bir tutarlılığa malik xəmir hazırlayın. Teflon tavaya 1 çay qaşığı kərə yağı və ya duru yağ töküb fırça ilə yayın. İsti tavaya 1 çömçə krep xəmiri töküb sağa-sola əyərək yayın.
Hər iki tərəfi çevirin və yüngül qızarana qədər orta istilikdə bişirin. Bütün xəmiriniz istifadə olunana qədər bu prosesi davam etdirin.
Həm tez, həm də dadlı hazırlaya biləcəyiniz bu resept bütün ailə üzvləri tərəfindən seviləcək. Bu resepti sınayaraq səhər yeməyi rutininizə yeni dad əlavə edin və sevdiklərinizlə xoş anlar paylaşın. Nuş olsun!
