Yaddaş problemləri günümüzün ən çox rast gəlinən problemlərindəndir. Sıx iş tempi, stress, yuxu pozğunluğu kimi faktorlar yaddaşa mənfi təsir göstərir.
Foodinfo.az xəbər verir ki, düzgün qidalanma vərdişləri və bəzi bitki mənşəli əlavələrlə yaddaşı gücləndirmək mümkündür. Bu təbii vasitələrdən biri də kəklikotudur. Ondan 1 çay qaşığı qəbul etdikdə beyinə birbaşa təsir edir və yaddaşı qoruyur.
Kəklikotu Aralıq dənizi bölgəsində böyüyən bir bitki növüdür. Həm təzə, həm də quru halda istifadə edilə bilən kəklikotu yeməklərə dad qatır. Bununla belə, kəklikotu təkcə ədviyyat deyil, həm də sağlamlıq üçün çox faydalıdır. Tərkibindəki antioksidantlar sayəsində kəklikotu beyin sağlamlığını qoruyur və yaddaşı gücləndirir.
Kəklikotunun tərkibində olan karnozik turşu beyin hüceyrələrini qoruyaraq yaddaşı gücləndirir. Bundan əlavə, kəklikotu sinir sisteminə müsbət təsir göstərir. Sinir sistemini sakitləşdirir, stressi azaldır və yuxu keyfiyyətini yaxşılaşdırır. Yaddaşın güclənməsində yuxunun əhəmiyyətini də nəzərdən qaçırmaq olmaz.
Kəklikotu həm çay kimi, həm də yeməklərdə istifadə edilə bilər. Kəklikotu çayını qaynar suya 1 çay qaşığı qurudulmuş kəklikotu əlavə edib 5-10 dəqiqə dəmləməklə əldə edə bilərsiniz. Müntəzəm olaraq kəklikotu çayı istehlakı yaddaşı gücləndirməkdə çox təsirlidir.
Kəklikotunun nəyə faydalıdır?
İştahı açır, həzmi asanlaşdırır, qurdları azaldır. Qaz və diurezi aradan qaldırır, bağırsaqları sakitləşdirir.
Kəklikotu antibakterial xüsusiyyətlərə malikdir, buna görə də tez-tez E.coli kimi bakteriya və göbələklərin yaratdığı infeksiyalar və xəstəliklərlə mübarizə aparmaq üçün istifadə olunur. Tədqiqatlar kəklikotu efir yağının müxtəlif növ bakteriya və antibiotiklərə davamlı suşlarla mübarizə aparma gücünə malik olduğunu müəyyən edib. Bədənin daxilində və xaricində bakteriyaları öldürə bilir. Kəklikotu çayı dərini və digər səthləri dezinfeksiya etmək üçün də istifadə olunur.
Kəklikotu A vitamini, yağda həll olunan vitamin və antioksidantla zəngindir. Bu da daha yaxşı görməyə kömək edir.
Kəklikotu antiseptik və antibiotik xüsusiyyətlərə malikdir. Soyuqdəymə, qrip, boğaz ağrıları və quru öskürəyi aradan qaldırmaqda faydalıdır.
Kəklikotu bronxitin müalicəsində də istifadə olunur. Oregano yağı ən güclü təbii antimikroblardan biridir, buna görə də boğaz ağrılarının müalicəsində geniş istifadə olunur. Karvakrol tərkibi onun boğaz ağrısı üçün ən yaxşı efir yağlarından biri olmasının əsas səbəbidir.
