İsti havalarda insan orqanizmi daha çox maye itirdiyi üçün içkilərə tələbat artır. Foodinfo.az bildirir ki, bu tələbatı qazlı və şəkərli içkilərlə qarşılamaq əvəzinə, təbii alternativlərə üstünlük verilməlidir. 

Şəkər tərkibli içkilər bədəndə susuzluğun daha da artmasına səbəb olur. Ev şəraitində hazırlanmış limonad, nanə-limon qarışıqları və ya təzə meyvə şirələri həm maye balansını qoruyur, həm də vitamin ehtiyacını qarşılayır. 

Ayran və kefir kimi probiotik içkilər bağırsaq florasını gücləndirir və orqanizmi sərinlədir. Tərkibində süni rəngləndirici və dadlandırıcı olan məhsullar mədə turşuluğunu artıraraq narahatlıq yarada bilər. 

Xüsusilə uşaqlara verilən içkilərdə tərkibə diqqət yetirilməlidir. Şüşə qabda və soyudulmuş vəziyyətdə təqdim olunan içkilər daha təhlükəsiz sayılır. Gündəlik içki miqdarına nəzarət olunmalı, ifrat istehlakdan qaçınılmalıdır. 

Qəhvə və qara çayın tərkibindəki kofein bədənin su itkisini artırdığından yay aylarında istifadəsi məhdudlaşdırılmalıdır. Təbii içkilərlə bədəni həm soyutmaq, həm də dəstəkləmək mümkündür.