Diş ətlərinin qanaması ağız boşluğunda ən çox rast gəlinən problemlərdən biridir.
Foodinfo.az xəbər verir ki, “Stolitsa” klinikasının baş direktoru, stomatoloq-parodontoloq Yeganə Mərufidi bu problemin qarşısının alınması ilə bağlı praktiki məsləhətlər verib.
O, bərk meyvə və tərəvəzlər yeməklə diş ətlərini gücləndirməyi məsləhət görüb.
Əgər diş əti qanaması nadir hallarda baş verirsə, bu, diş ətinin kiçik zədələnməsi nəticəsində olmuş ola bilər. Bu zaman soyuq su ilə qanaxmanı dayandıra, diş ətinə xlorheksidinlə çəkə və bakteriyaların çoxalmasının qarşısını almaq üçün ağzınızı palıd qabığı, çobanyastığı və ya kalendula dəmləməsi ilə yaxalaya bilərsiniz.
Əgər bərk qidalar yeyərkən və ya dişlərinizi fırçalayarkən diş ətiniz tez-tez qanayırsa, diş həkiminizə müraciət etmək daha yaxşıdır. Həkim səbəbi təyin edəcək və onun aradan qaldırılması üçün tövsiyələr verəcək. Bəzən dişlərin ultrasəs təmizlənməsi kifayətdir, lakin bəzən də ciddi müalicə tələb oluna bilər.
Stomatoloqun sözlərinə görə, müntəzəm olaraq irriqatordan və münasib yaxalayıcılardan istifadə etmək, vitamin çatışmazlığını müəyyən etmək üçün testlərdən keçmək və bu çatışmazlığı kompensasiya etmək, dişləri və diş ətlərini gücləndirmək üçün yerkökü, alma və digər sərt qidaları yemək faydalıdır.
Fərid
