Berlin Tətbiqi Qidalanma İnstitutunun eksperti doktor Klaus Berger “tez-tez az yemək” prinsipinə tənqidi yanaşma ilə çıxış edib. Foodinfo.az xəbər verir ki, bəzi insanlar maddələr mübadiləsini sürətləndirmək üçün gün ərzində 5–6 dəfə az miqdarda qida qəbul edir.

Lakin Berger bildirir ki, bu, insulin səviyyəsinin daimi yüksək qalmasına səbəb ola bilər. Nəticədə bədən yağ yandırmaq əvəzinə, onu ehtiyatda saxlamağa üstünlük verir. Mütəxəssis gün ərzində 2–3 əsas yemək və bir yüngül qəlyanaltının kifayət etdiyini deyir.

Bergerin fikrincə, yeməklər arasında kifayət qədər fasilə saxlanılması orqanizmin öz ehtiyatlarını istifadə etməsini təmin edir. Onun bu yanaşması Neue Ernährungsmedizin jurnalında yayımlanıb.