Günəş yanıqlarına xama və qatıq çəkmək təhlükəlidir.
Foodinfo.az xəbər verir ki, bu barədə cərrah Aleksander Umnov xəbərdarlıq edib.
Onun sözlərinə görə, xalq arasında məşhur olan bu üsulla qıcıqlanmış dərinin vəziyyətini real olaraq yaxşılaşdırmaq olmur. Hətta əksinə, qatıq və xama tərkibində turşu istehsal edən laktobakteriyaların olduğu üçün yanığı daha da gücləndirə bilər. Həmçinin, bu qidalardakı yağ infeksiya və iltihaba səbəb ola bilər.
Umnov onu da qeyd edib ki, qatıq və xama ilə yanaşı, yağ, losyon və kremlərin istifadəsi də yanıq iltihabına səbəb ola bilər. O vurğulayıb ki, günəş yanığı əleyhinə vasitələr seçərkən diqqətli olmaq və tibb mütəxəssislərinin tövsiyələrinə əməl etmək vacibdir.
Onun sözlərinə görə, xalq təbabətindən istifadə etmək əvəzinə, daxilində iltihabı aradan qaldırmaq və dərini nəmləndirmək üçün aktiv maddələr olan xüsusi günəş kremlərinə və gellərə müraciət etmək daha yaxşıdır.
Yanmış dərinin lazımi qayğı və diqqət tələb etdiyini xatırlamaq lazımdır. Yanıq zamanı dərini sərin su ilə sərinləmək, zədələnmiş sahəni sürtünməkdən qorumaq lazımdır. Yanıq simptomları şiddətlənsə və ya infeksiya əlamətləri görünsə, peşəkar tibbi yardım almaq üçün həkimə müraciət edilməlidir.
Nurlan
