Qidalanmada balansın qorunması üçün balıq məhsullarının istifadəsi xüsusi əhəmiyyət daşıyır. Bu məhsul həm dadlı, həm də yüksək qida dəyərinə malikdir. Foodinfo.az webmd saytına istinadla xəbər verir ki, balıq omeqa-3 yağ turşuları ilə zəngindir.

Mütəxəssislər qeyd edir ki, omeqa-3 yağ turşuları ürək-damar xəstəlikləri riskini azaltmağa kömək edir və beyin fəaliyyətini dəstəkləyir. Eyni zamanda bu maddələr iltihab proseslərinin azalmasına da müsbət təsir göstərir.

Balığın müxtəlif üsullarla hazırlanması mümkündür və onun həftədə ən azı 2 dəfə rasiona daxil edilməsi tövsiyə olunur. Bu vərdiş sağlam həyat tərzinin formalaşmasına kömək edir.