Şəkərdən imtina insan orqanizminə müsbət təsir göstərir. O, daha enerjili olur, buna görə də bu təcrübə yalnız fayda gətirir. Bu barədə həkim-dietoloq Yelena Tixomirova danışıb.
"Sadə şəkərlər orqanizmə daxil olmadıqda o, mürəkkəb karbohidratlardan enerji almağa başlayır. Bunun sayəsində orqanizm daha keyfiyyətli və daha uzunmüddətli "yanacaq" alır, bunun nəticəsində insan özünü daha enerjili hiss etməyə başlayır ” deyə ekspert Gazeta.ru-ya müsahibəsində bildirib.
Həkim bildirib ki, şəkər dedikdə şirin olan hər şeyi, o cümlədən saxaroza, qlükoza, fruktoza nəzərdə tuturuq. Mürəkkəb karbohidratlara isə dənli bitkilər və onlardan hazırlanan hər şey, məsələn, un, taxıl, makaron və çörək məhsulları daxildir.
Tixomirova əlavə edib ki, şirniyyatdan imtina etdikdə qanda şəkərin və insulinin kəskin yüksəlməsi müşahidə olunmur, bunun sayəsində əhval-ruhiyyə və koqnitiv funksiyalar yaxşılaşır, artıq şişkinlik yox olur.
