Həkimlər gündəlik qəhvə istifadəsi ilə bağlı vacib tövsiyələrini açıqlayıb. Foodinfo.az bildirir ki, gündə iki fincan qəhvənin təhlükəsiz olduğunu qeyd olunub. Ekspertlər qəhvə növü ilə bağlı fərqlərin yalnız şəxsi dad seçimlərinə bağlı olduğunu qeyd edərək, həm həll olunan, həm də təzə qovrulmuş qəhvənin eyni dərəcədə faydalı və ya zərərli olduğunu vurğulayıblar.

Belə ki, bütün qəhvə növləri kofein ehtiva edir, bu da mərkəzi sinir sistemini stimullaşdıran bir maddədir. Kofeinin bu təsiri, beyin fəaliyyətini və diqqəti artırmağa kömək edir, lakin həddindən artıq miqdarda qəbul edildikdə narahatlıq və yuxusuzluğa səbəb ola bilər. Bununla yanaşı, ürək xəstəlikləri və yüksək təzyiqi olan insanlar üçün qəhvə içmək daha ehtiyatla yanaşılmalıdır, çünki kofein orqanizmə əlavə təzyiq və stres yarada bilər.