Yanvar ayında istehlak edilən meyvələrin seçimi mövsümə uyğun olmalıdır. Foodinfo.az xəbər verir ki, mövsümündə olmayan meyvələr istixanalarda yetişdirildiyi, uzaq ölkələrdən idxal edildiyi və ya uzun müddət saxlanıldığı üçün bəzi çatışmazlıqlara malik ola bilər. Bu cür meyvələrdən mümkün qədər uzaq durmaq tövsiyə olunur.
Çiyələk
Çiyələk mövsümü yaz və yay aylarına düşür. Yanvarda bazarda olan çiyələklər istixanada yetişdirildiyi üçün dadı və qida dəyəri aşağı, kimyəvi maddələrlə yetişdirilmə ehtimalı isə yüksək ola bilər.
Şaftalı və ərik
Bu meyvələr yay mövsümünə aiddir. Yanvarda təzə tapılanlar, adətən, idxal olunur və təbii şəraitdə yetişdirilmədiyi üçün qida dəyəri aşağı olur.
Üzüm
Üzümün təbii mövsümü yay və payızdır. Yanvarda satılan üzüm çox vaxt konservasiya üsulları ilə saxlanılır və təzə olmur.
Qarpız və yemiş
Bu meyvələr yay mövsümünə aiddir. Yanvarda mövcud olan qarpız və yemişlər istixana məhsulu ola bilər və təbii şərtlərdə yetişdirilmədiyi üçün sağlamlıq üçün uyğun sayılmır.
Yanvarda ən yaxşı seçim mövsüm meyvələri, məsələn, nar, portağal, mandarin, alma, armud, kivi və heyva istehlak etməkdir. Mövsümə uyğun meyvələr həm daha qidalandırıcı, həm də daha az kimyəvi müdaxiləyə məruz qalmış olur.
