Pəhrizlər zamanı çoxları kalorilərini hesablamağa başlayır. Ancaq arıqlamaq üçün bu üsul çox mübahisəlidir: bəziləri bunun həqiqətən kömək etdiyinə inanır, bəziləri buna qarşıdır. Foodinfo.az bildirir ki, diyetoloq, qastroenteroloq, terapevt Alexandra Razarenova bu barədə danışıb.
Həkim deyib ki, kalorilərin hesablanması arıqlamanın ən başlanğıcında faydalı ola bilər. Belə bir qida gündəliyi saxlamaqla aydın olur ki, hətta eyni kalorili qidalar fərqli qida dəyərinə malikdir. Nəticədə, pəhrizdə "boş" kalorili qidalar azalır.
Bununla belə, bu metodun mənfi cəhətləri də var. Məsələn, bütün kaloriləri 100% dəqiqliklə saymaq mümkün deyil. Həmçinin, qidalanmanın daimi monitorinqi nevroza səbəb ola bilər.
