Palma yağı bədən üçün təhlükə yaratmır və hətta ağlabatan miqdarda və balanslaşdırılmış pəhriz ilə birlikdə istehlak edildikdə faydaları var. Foodinfo.az bildirir ki, bu barədə Life.ru saytına Mareven Food Central şirkətinin marketinq direktoru Nquyen Huy Yen məlumat verib.

O, bildirib ki, palma yağı İndoneziya və Malayziya kimi tropik iqlimi olan ölkələrdə bitən palma ağacının meyvələrindən alınır. Bu məhsul unikal keyfiyyətlərə malikdir: təbii antioksidantlar və açıq-aşkar qoxunun olmaması onu çörəkdən tutmuş uşaq qidasına qədər geniş çeşiddə yeməli məhsulların istehsalı üçün ideal tərkibə çevirir.

“Lakin bəzi vicdansız istehsalçılar məhsulları saxtalaşdırır, məsələn, qiyməti optimallaşdırmaq üçün məhsulun tərkibindəki süd yağını keyfiyyətsiz bitki yağı ilə əvəz edir. Bu, istehlakçılarda bitki yağlarına qarşı mənfi münasibət yaradır”, - deyə ekspert izah edib.

Bir çox insanlar yanlış olaraq palma yağını ucuzluq və istehsalçının pula qənaət etmək cəhdi ilə əlaqələndirirlər. Əslində, bu məhsul analoqlarından daha bahalıdır, çünki onun üçün xammal xaricdən gətirilir.